منتدى تعليمي تثقيفي وترفيهي. يهتم بكل ما يتعلق بدروس التعليم الثانوي العام والتكنولوجي.


    مجموعة نكت ...... إضحك معنا

    شاطر

    samir

    عدد المساهمات : 110
    تاريخ التسجيل : 26/03/2010

    مجموعة نكت ...... إضحك معنا

    مُساهمة  samir في الجمعة 26 مارس 2010, 1:52 am

    مجموعة نكــت مضحكة

    * قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....

    * افي ليلة كان ربعة من الشباب يحششوا ورا عمارة وبعد مدة خلص لهم الكبريت, فبعتوا واحد منهم يطلب, أمالا راح دار على العمارة ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

    * هبط جحا يوم لصاحبو ، لإاعطاه الصاحب اليوم الأول حليب والثاني حليب والثالث حليب و في اليوم الرابع قعد جحا غضبان؟، فجاه صاحبو وقالو واش بيك قاعد متغشش؟ قالو جحا نستني باش تفطمني......

    * مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.

    * قالك خطرة واحد مع صحبتو يغازل فيها واش قالها......... يا حمامتي.......... قالت لو ماتقوليش يا حمامتي قولي يا غزالتي, واش قالها.............. المهم حيوان.

    * مرة واحد كسول ألف في الساعة شاف قدامو قشرة وهو يمشي قال: ربي يعيني على هاذ الزلقة.

    * واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي .

    * مرة عروبي شاف لوحة مكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
    فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل فقال: والله البقر وهو صغير شكله حلو.

    * أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكي

    * قال بوليسي للمحبوس : نتا ماديرش خلاص الخير في حياتك؟ رد عليه : لا ندير، أني هنا باش تسلك أنت.

    * واحد كان يمشي مع وحدة شافت والدها من بعيد قاتلو روح والدي راهو جاي قاللها كشماكان انا خوك


    * واحد كل صباح ينوض مدهوش وفي واحد الصباح ناض غير مدهوش فاندهش


    * مرة أستاد سأل تلميدو واش يعني السبيل قالو تلميذ :الطريق قالو أحسنت واش معنى سلسبيل قالو طرطريق

    * ثلاث مهابولات دارلهم الطبيب القران ناظو 2 يشطحو بقات وحدة ظنها الطبيب بلي برات سألها وعلاه ما نهضتي تشطحي قاتلو أنا لعروسة.

    * قالك واحد السراق مسلح دخل يسرق دار قال للراجل و مرتو: اعطيوني السوارد لي عندكم مدولو ......مبعد قال للمرا : وش اسمك قالتلو: خيرة قالها لكان ما جاش اسمك كيف اسم يما اني قتلتك...... مبعد سقسا الراجل قالو : وانت وش اسمك قالو: جمال و يعيطولي خيرة

    * زوج شياب متزوجين قالت الزوجة بعّـد عن التفاحة ونعطيك غيرها!
    قاللها لأ مانيش رايد التفاحة لكن أسناني الملتصقة بيها.

    * قالك واحد راسو كبير تمسخرو بيه الدري راح لمو قالها: علاش راسي كبير قالتلو : وحد النهار كيما كنت صغير طحت على راسك جيت نحطلك القهوة حطيتلك الخميرة.


    * قالت الأم لإبنها :ماذا تفعل إذا داس أحدهم على قدمك ثم اعتذر لك ؟ ردّ الإبن : أسامحه يا أمي ، الأم :و إذا أعطاك هدية ليؤكد اعتذاره ؟ الإبن :أطلب منه أن يدوس على قدمي الأخرى

      الوقت/التاريخ الآن هو الأربعاء 07 ديسمبر 2016, 12:47 am